മൂഡബിദ്രി: കേരള ഹൈക്കോടതിയുടെ വിധിയുടെ കരുത്തില്‍ ക്രോസ്ബാറിന് മീതേ സുവര്‍ണ മാലാഖയായി പറന്നിറങ്ങി എയ്ഞ്ചല്‍. സ്വന്തം റെക്കോര്‍ഡ് തിരുത്തെഴുതിയാണ് വനിതകളുടെ ഹൈജംപില്‍ കാലിക്കറ്റ് സര്‍വകലാശാലയ്ക്ക് എയ്ഞ്ചല്‍ പി. ദേവസ്യ സ്വര്‍ണം സമ്മാനിച്ചത്.1.82 മീറ്റര്‍ എന്ന സ്വന്തം പേരിലെ മീറ്റ് റെക്കോര്‍ഡ് 1.83 മീറ്ററാക്കി ഉയര്‍ത്തിയാണ് സ്വരാജ് മൈതാനത്തെ ജംപിങ് പിറ്റില്‍ എയ്ഞ്ചല്‍ താരമായത്. രണ്ടണ്ടാമത്തെ ശ്രമത്തിലായിരുന്നു റെക്കോര്‍ഡ് തിരുത്തിയത്. 1.85 മീറ്റര്‍ ആയ ക്രോസ്ബാറിന് മീതേ ഉയരം താണ്ടണ്ടാന്‍ രണ്ടണ്ടു തവണ ശ്രമം നടത്തി. കാലിന്റെ ഉപ്പൂറ്റിയിലെ പരുക്ക് ക്രോസ് ബാര്‍ താണ്ടണ്ടുന്നതിന് തടസമായി. രണ്ടണ്ടു ശ്രമങ്ങള്‍ നടത്തിയെങ്കിലും 1.85 മീറ്റര്‍ ചാടിക്കടക്കാനായില്ല.
കരിയറിലെ നാലാം റെക്കോര്‍ഡാണ് ഇന്നലെ പിറന്നത്. പഠന കാലയളവിന്റെ പേരില്‍ എം.ജി സര്‍വകലാശാല എയ്ഞ്ചല്‍ മത്സരിക്കുന്നതിന് തടസം സൃഷ്ടിക്കാന്‍ ശ്രമം നടത്തിയിരുന്നു. ഇതുമുന്‍കൂട്ടി മനസിലാക്കി ഹൈക്കോടതിയെ സമീപിച്ചു മത്സരിക്കാന്‍ അനുകൂലവിധി സമ്പാദിച്ചാണ് മൂഡബിദ്രിയില്‍ എയ്ഞ്ചല്‍ വന്നത്. പ്രതീക്ഷിച്ച പോലെ തന്നെ എയ്ഞ്ചല്‍ മത്സരിക്കുന്നത് തടയണമെന്ന് ആവശ്യപ്പെട്ട് എം.ജി ഫെഡറേഷന് അപ്പീല്‍ നല്‍കി.
ഹൈക്കോടതി വിധി ചൂണ്ടണ്ടിക്കാട്ടി സംഘാടകര്‍ അപ്പീല്‍ തള്ളി. അന്തര്‍ സര്‍വകലാശാല മീറ്റില്‍ മത്സരിക്കാന്‍ 25 വയസും എട്ടു വര്‍ഷ പഠന കാലയളവുമാണ് മാനദണ്ഡം. ഇതു പിന്നിട്ടെന്ന് ചൂണ്ടണ്ടിക്കാട്ടിയായിരുന്നു പരാതി. എന്നാല്‍, എയ്ഞ്ചലിന് 23 വയസും അഞ്ചു വര്‍ഷ പഠന കാലയളവും മാത്രമേ ആയിട്ടുള്ളു.
കാലിക്കറ്റ് സര്‍വകലാശാല മീറ്റില്‍ ഒളിംപ്യന്‍ ബോബി അലോഷ്യസിന്റെ പേരിലുള്ള റെക്കോര്‍ഡ് തിരുത്തിയാണ് എയ്ഞ്ചല്‍ അന്തര്‍ സര്‍വകലാശാല ചാംപ്യന്‍ഷിപ്പിന് എത്തിയത്. ബോബിയുടെ 1.68 മീറ്ററെന്ന റെക്കോര്‍ഡ് 1.76 മീറ്റര്‍ ചാടിയാണ് എയ്ഞ്ചല്‍ തിരുത്തിയത്. എയ്ഞ്ചല്‍ ഇത്തവണ ഇരിഞ്ഞാലക്കുട ക്രൈസ്റ്റ് കോളജിന്റെ താരമാണ്.