ന്യൂഡല്‍ഹി: നരേന്ദ്ര മോദിയുടെ അച്ഛനാരാണെന്ന് ആര്‍ക്കുമറിയില്ലെന്ന വിവാദ പ്രസ്താവനയുമായി മുന്‍ കേന്ദ്രമന്ത്രിയും കോണ്‍ഗ്രസ് നേതാവുമായിരുന്ന വിലാസ് റാവു മുട്ടേമര്‍. ജനങ്ങള്‍ക്കു രാഹുല്‍ ഗാന്ധിയുടെ അഞ്ചു തലമുറകളെ അറിയാം, എന്നാല്‍ നരേന്ദ്രമോദിയുടെ അച്ഛനാരാണെന്ന് ആര്‍ക്കുമറിയില്ലെന്നായിരുന്നു വിലാസ് റാവുവിന്റെ പ്രസ്താവന.
'രാഹുല്‍ ഗാന്ധി രാഷ്ട്രീയത്തില്‍ ഇറങ്ങുന്നതിനു മുന്‍പു ജനങ്ങള്‍ക്ക് അദ്ദേഹത്തിന്റെ അഞ്ചു തലമുറകളെക്കുറിച്ച് അറിയാം. രാഹുലിന്റെ അച്ഛനാരാണെന്നറിയാം, രാജീവ് ഗാന്ധി.
അദ്ദേഹത്തിന്റെ മുത്തശ്ശി ഇന്ദിരാഗാന്ധിയെയും മുതുമുത്തച്ഛന്‍ ജവഹര്‍ലാല്‍ നെഹ്‌റുവിനെയും ജനങ്ങള്‍ക്കറിയാം. നെഹ്‌റുവിന്റെ അച്ഛന്‍ മോത്തിലാല്‍ നെഹ്‌റുവിനെക്കുറിച്ചും അവര്‍ക്കറിയാം. എന്നാല്‍, നരേന്ദ്രമോദിയുടെ അച്ഛന്‍ ആരാണെന്ന് ആര്‍ക്കുമറിയില്ലെന്നു വിലാസ് റാവു പറഞ്ഞു. വിലാസ് റാവുവിന്റെ വിവാദ പ്രസംഗത്തിന്റെ വിഡിയോ ബി.ജെ.പിയുടെ ഐ.ടി സെല്ലിന്റെ ചുമതലയുള്ള അമിത് മാളവ്യയാണ് ട്വിറ്ററിലൂടെ പുറത്തുവിട്ടത്.