ഇരിട്ടി: ഇരിട്ടി, കാക്കയങ്ങാട് റെയിഞ്ചുകളില്‍ സുപ്രഭാതം പ്രചരണ ക്യാംപയിന് തുടക്കമായി. കാക്കയങ്ങാട് റെയിഞ്ചിലെ സുപ്രഭാതം ക്യാംപയിന്‍ ഉദ്ഘാടനം തദ്‌രീബ് റിസോഴ്‌സസ് പേര്‍സണ്‍ അന്‍വര്‍ ഹൈദരി നിര്‍വഹിച്ചു. അബ്ദുല്‍ അസീസ് ഫൈസി അധ്യക്ഷനായി. റഷീദ് ഫൈസി പെരിന്തല്‍മണ്ണ, അബ്ദുല്‍ ഖാദര്‍ വിളക്കോട്, സക്കരിയ കാക്കയങ്ങാട്, അഹ്മദ്കബീര്‍ ബാഖവി, മുഹമ്മദലി ഫൈസി സംസാരിച്ചു. ഇരിട്ടിയില്‍ സഈദ് ഫൈസി ഇര്‍ഫാനി ഉദ്ഘാടനം നിര്‍വഹിച്ചു. പി.സി.എം ബഷീര്‍ മുസ്‌ലിയാര്‍, ഷൗക്കത്തലി മൗലവി, ഉമര്‍ മുക്താര്‍ ഹുദവി, പി മുഹമ്മദ് മുസ്‌ലിയാര്‍ തുടങ്ങിയവര്‍ സംസാരിച്ചു.  ഇരു റെയിഞ്ചുകളിലും 15 വീതം മഹല്ലുകളാണുള്ളത്. ഇവിടങ്ങളില്‍ പ്രചരണ കാലയളവില്‍ വാര്‍ഷിക വരിക്കാരെ ചേര്‍ത്ത് പ്രചരണ പരിപാടി വന്‍ വിജയമാക്കാനും തീരുമാനിച്ചു.
സുപ്രഭാതം പ്രചരണത്തിന്റെ ഭാഗമായി വിവിധ പദ്ധതികളെക്കുറിച്ച് ഇരിട്ടി റിപ്പോര്‍ട്ടര്‍  ഇബ്രാഹിം കുട്ടി വള്ളിത്തോട്   ഇരു റെയ്ഞ്ചുകളിലും വിശദീകരിച്ചു.
പെരിങ്ങത്തൂര്‍: സുപ്രഭാതം കാംപയിനിന്റെ ഭാഗമായി പെരിങ്ങത്തൂര്‍ റെയിഞ്ച് തല കണ്‍വന്‍ഷന്‍ മനാറുല്‍ ഹുദാ മദ്‌റസ ഹാളില്‍ പി സുലൈമാന്‍ ഉദ്ഘാടനം ചെയ്തു. അബ്ദുസലാം മുസ്‌ല്യാര്‍ അധ്യക്ഷനായി. ടി.കെ ഉമര്‍ മുസ്‌ല്യാര്‍ പ്രാര്‍ഥനയ്ക്ക്  നേത്യത്വം നല്‍കി. അബ്ദുല്‍ മജീദ് ദാരിമി കിടഞ്ഞി മുഖ്യപ്രഭാഷണം നടത്തി. മുഹമ്മദലി മുസ്‌ല്യാര്‍ ഒളവിലം, എന്‍.എ ഇസ്മായില്‍, അബൂബക്കര്‍, കൂടത്തില്‍ കുഞ്ഞബ്ദുല്ല,  അബൂബക്കര്‍ ഹാജി, പി കുഞ്ഞമ്മദ് ഹാജി, മൊട്ടത്ത് ഹമീദ് ഹാജി, മുനീര്‍ തോട്ടോളി, പി.കെ മുസ്തഫ ഹാജി, അബൂബക്കര്‍ മുസ്‌ലിം കീഴ്മാടം, അനസ് ദാരിമി സംസാരിച്ചു.