അമ്പലപ്പുഴ : പുന്നപ്രയില്‍ സാമൂഹിക വിരുദ്ധര്‍ അഴിഞ്ഞാടുന്നതായി പരാതി. പുന്നപ്ര പവര്‍ ഹൗസ്, കളിതട്ട് ജങ്ഷന്‍ തുടങ്ങിയ പ്രദേശങ്ങളിലാണ് സാമൂഹിക വിരുദ്ധ പ്രവര്‍ത്തനം നടക്കുന്നത്. ജങ്‌നില്‍ നിന്ന് ഒന്നര കിലോമീറ്റര്‍ അകലെ സ്ഥിതി ചെയ്യുന്ന ബീവറേജില്‍ നിന്ന് മദ്യം വാങ്ങി കഴിച്ചതിന് ശേഷം ഇവര്‍ നാട്ടുക്കാരുടെ ജീവിതം ദുസഹമാക്കുകയാണ്. വഴിയാത്രക്കാരായ സ്ത്രീകളോടും കുട്ടികളോടും സഭ്യമായി പെരുമാറുന്നതും പതിവ് കാഴ്ചയാണ്.
പ്രത്യേകിച്ച് സ്ത്രീകള്‍ അംഗമായുള്ള വാട്ട്‌സാപ്പ് ഗ്രൂപ്പുകള്‍ കണ്ടെത്തി അതിലൂടെ സഭ്യം നടത്തുന്നതും പതിവാണ്.
അന്യസംസ്ഥാനങ്ങളില്‍നിന്നും കൊണ്ടുവരുന്ന ശംഭു,പാന്‍ പരാഗ് തുടങ്ങിയ നിരോധിത ഉല്‍പന്നങ്ങളും പവ്വര്‍ ഹൗസ് ജങ്്ഷന് കിഴക്ക് ഭാഗത്തെ അടഞ്ഞുകിടക്കുന്ന തട്ടുകട കേന്ദ്രീകരിച്ച് വിറ്റഴിച്ച് വരുകയാണ് .
എന്നാല്‍ എക്‌സൈസ് അധികൃതര്‍ ഈ ഭാഗങ്ങളില്‍ പരിശോധന ശക്തമാക്കാന്‍ തയാറാകാത്തത് മദ്യമയക്കു മരുന്ന് മാഫിയക്ക് സഹായമാകുന്നുണ്ട്.