കായംകുളം: ബൈക്കിലെത്തിയ സംഘത്തിന്റെ ആക്രമണത്തില്‍ വ്യാപാരിക്ക് പരുക്ക്.
സ്വര്‍ണവ്യാപാരി പെരിങ്ങാല മാളിയേക്കല്‍ ഷാജഹാനെയാണ് (51) അക്രമിച്ചത്. ഞായറാഴ്ച രാത്രിയിലായിരുന്നു സംഭവം. മൂന്ന് ബൈക്കുകളിലായി എത്തിയ സംഘം ആണ് ആക്രമിച്ചത് പോര്‍ച്ചില്‍ കിടന്നിരുന്ന കാറും സ്‌കൂട്ടറും അടിച്ച് തകര്‍ത്തു. ബഹളം കേട്ട് പരിസരവാസികള്‍ എത്തിയപ്പോഴേക്കും സംഘം രക്ഷപ്പെടുകയായിന്നു ഓടുന്നതിനിടയില്‍ മറിഞ്ഞുവീണ കാക്കനാട് സ്വദേശി വിശാഖിനെ നാട്ടുകാര്‍ പിടികൂടി പൊലിസിന് കൈമാറി.
മറ്റൊരു പ്രതി ശര്‍മയും പിന്നീട് കസ്റ്റഡിയിലായി. ഷാജഹാെന്റ മകന്‍ റിയാനുമായുള്ള തര്‍ക്കമാണ് അക്രമണത്തിന് കാരണമെന്ന് പൊലിസ് പറഞ്ഞു.