മണ്ണാര്‍ക്കാട്: വില്‍പന നടത്താന്‍ കൊണ്ടുവന്ന കഞ്ചാവുമായി യുവാവ് പിടിയില്‍. കരിമ്പ എടക്കുര്‍ശ്ശി സ്വദേശി ബിജു എന്ന ബിജിലി (24)യെയാണ് മണ്ണാര്‍ക്കാട് പൊലിസ് പിടികൂടിയത്.
ഇന്നലെ ഉച്ചക്ക് ശേഷം ടിപ്പു സുല്‍ത്താന്‍ ജങ്ഷനില്‍ വില്‍പനക്ക് നില്‍ക്കുന്ന സമയത്താണ് 1.16 കിലോ കഞ്ചാവുമായി യുവാവ് പിടിയിലായത്. കൊടൈക്കനാലില്‍നിന്ന് കൊണ്ടുവന്ന കഞ്ചാവാണെന്ന് പൊലിസ് പറഞ്ഞു. മണ്ണാര്‍ക്കാട് സി.ഐ ഹിദായത്തുല്ല മാമ്പ്ര, എസ്.ഐ ഷിജു എബ്രഹാം, പ്രൊബേഷനറി എസ്.ഐ നൗഷാദ്, സി.പി.ഒമാരായ ഷാഫി, പൊടിമോന്‍, ജിതേഷ്, ഷിബു, സിലാസ് തുടങ്ങിയവരടങ്ങുന്ന സംഘമാണ് പ്രതിയെ പിടികൂടിയത്.