പൂച്ചാക്കല്‍: തരിശ് ഭൂമിയില്‍ നെല്‍കൃഷിയറക്കി സ്വയം സഹായം സംഘം മാതൃകയായി. തൈക്കാട്ടുശേരി പഞ്ചായത്ത് രണ്ടാം വാര്‍ഡ് മഹാത്മ പുരുഷ സ്വയം സഹായ സംഘമാണ് കുന്തറ പാടശേഖരം പാട്ടത്തിനെടുത്ത് കൃഷി ചെയ്യുന്നത്.
വര്‍ഷങ്ങളായി തരിശായിക്കിടക്കുന്ന പാടശേഖരത്തില്‍ പതിനൊന്ന് അംഗങ്ങളുള്ള സംഘം കൃഷിയോഗ്യമാക്കുകയായിരുന്നു. ഒരു നെല്ല് ഒരു മീന്‍ പദ്ധതി പ്രകാരം ചെക്കളി വിത്താണ് കൃഷിക്കായി ഉപയോഗികുന്നത്.
നെല്‍കൃഷി വിത പഞ്ചായത്ത് അംഗം കെ.വി മാമച്ചല്‍ നിര്‍വഹിച്ചു. തൈക്കാട്ടുശ്ശേരി കൃഷി അസി. ഓഫിസര്‍ സബിത അധ്യക്ഷനായി. സംഘം കണ്‍വീനറായ എന്‍.ജെ ബാബു, ശ്രീധരന്‍ ,ബിജു, കുഞ്ഞുമോന്‍ സംസാരിച്ചു.