ആയഞ്ചേരി: പള്ളി ദര്‍സുകള്‍ സമുദായത്തിന്റെ നവോത്ഥാന കേന്ദ്രങ്ങളാണെന്ന് സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ അഭിപ്രായപ്പെട്ടു. ആയഞ്ചേരി പുറ്റാംപൊയില്‍ ജുമാമസ്ജിദ് ദര്‍സ് വാര്‍ഷിക ഉദ്ഘാടനവും ദര്‍സ് കോംപ്ലക്‌സ് ശിലാസ്ഥാപനവും നിര്‍വഹിച്ചു സംസാരിക്കുകയായിരുന്നു അദ്ദേഹം.
സമുദായത്തിന് നേതൃത്വം നല്‍കിയ പഴയകാല നേതാക്കള്‍ ദര്‍സുകളിലൂടെ വളര്‍ന്നുവന്നവരാണ്. അത്തരം പള്ളി ദര്‍സുകള്‍ നിലനിര്‍ത്താന്‍ ഉമറാക്കള്‍ മുന്നോട്ടുവരണമെന്നും അദ്ദേഹം പറഞ്ഞു.
മഹല്ല് പ്രസിഡന്റ് കിഴക്കയില്‍ മൂസ ഹാജി അധ്യക്ഷനായി.
മുദരിസ് സയ്യിദ് മുഹമ്മദ് സനാഉള്ള തങ്ങള്‍, സി.എച്ച് മഹ്മൂദ് സഅദി, നൊച്ചാട്ട് കുഞ്ഞബ്ദുല്ല, കേളോത്ത് ഇബ്രാഹിം ഹാജി, അബ്ദുല്‍ ഹഖ് ഫൈസി അരീക്കോട്, കുനീമ്മല്‍ അമ്മദ് ഹാജി, കേളോത്ത് കുഞ്ഞബ്ദുല്ല സംസാരിച്ചു.