തേഞ്ഞിപ്പലം: സമസ്ത കേരള ജംഇയ്യത്തുല്‍ മുഅല്ലിമീന്‍ 60ാം വാര്‍ഷിക സമ്മേളനത്തിന്റെ ഭാഗമായി ഈ മാസം 30 മുതല്‍ ഡിസംബര്‍ 5 വരെ നടത്തുന്ന ഉത്തര - ദക്ഷിണ സന്ദേശ പ്രചാരണ ജാഥയില്‍ പ്രഭാഷണം നടത്തുന്നവര്‍ക്കുള്ള ശില്‍പശാല നാളെ രാവിലെ 10ന് ചേളാരി മുഅല്ലിം ഓഡിറ്റോറിയത്തില്‍ നടക്കും.
ജാഥയുടെയും ഓരോ സ്വീകരണ കേന്ദ്രങ്ങളിലും മൂന്നു വീതം പ്രഭാഷകരാണ് കാലികവിഷയങ്ങളില്‍ പ്രഭാഷണം നിര്‍വഹിക്കുക. കേരളത്തിലെ അറിയപ്പെടുന്ന മുഴുവന്‍ പ്രഭാഷകരെയും ഉള്‍ക്കൊള്ളിച്ചുകൊണ്ട് നടത്തുന്ന ശില്‍പശാലയില്‍ തിരഞ്ഞെടുക്കപ്പെട്ട മുഴുവന്‍ പ്രതിനിധികളും കൃത്യസമയത്ത് എത്തിച്ചേരണമെന്ന് ജനറല്‍ കണ്‍വീനര്‍ ഡോ. ബഹാഉദ്ദീന്‍ മുഹമ്മദ് നദ്‌വി അറിയിച്ചു.