ന്യൂഡല്‍ഹി: ശബരിമല പുനഃപരിശോധനാ ഹരജി തള്ളിക്കളഞ്ഞ് നിലപാട് മാറ്റാതെ ഭരണഘടനാ ബെഞ്ചിലെ അംഗങ്ങളായ രോഹിങ്ടണ്‍ നരിമാന്റെയും ഡി.വൈ ചന്ദ്രചൂഡിന്റെയും വിയോജിച്ച വിധി. കഴിഞ്ഞ വിധിന്യായത്തില്‍ തങ്ങള്‍ സ്വീകരിച്ച നിലപാടുകള്‍ ആവര്‍ത്തിച്ച ഇരുവരും വിധി നടപ്പാകുന്നുïെന്ന് സംസ്ഥാന സര്‍ക്കാര്‍ ഉറപ്പാക്കണമെന്നും നിര്‍ദേശിച്ചു. ഭൂരിപക്ഷ വിധിന്യായത്തില്‍ മുസ്‌ലിം സ്ത്രീകളുടെ ദര്‍ഗ,പള്ളി പ്രവേശനം, പാര്‍സി സ്ത്രീകളുടെ ക്ഷേത്രപ്രവേശനം തുടങ്ങിയ വിഷയങ്ങള്‍ പരാമര്‍ശിച്ചത് ചൂïിക്കാട്ടി, ഇക്കാര്യങ്ങളൊന്നും ഇപ്പോള്‍ തങ്ങളുടെ മുന്നിലുള്ള പരിഗണനാ വിഷയങ്ങളല്ലാത്തതിനാല്‍ ശബരിമല പുനഃപ്പരിശോധനാ ഹരജിയുടെ കാര്യത്തില്‍ മാത്രമാണ് തങ്ങള്‍ വിധി പറയുന്നത്. ഈ കാര്യങ്ങളെല്ലാം നിലവില്‍ കേസ് പരിഗണിക്കുന്ന അതത് ബെഞ്ചുകള്‍ തീര്‍പ്പാക്കട്ടെയെന്നും 68 പേജുള്ള വിശദമായ വിധിയില്‍ ഇരുവരും വ്യക്തമാക്കി.
കേസുകള്‍ വിശാല ബെഞ്ചിന് വിടുന്നതിനെയും വിധിയില്‍ ജസ്റ്റിസ് നരിമാന്‍ എതിര്‍ത്തു. ഇതൊടൊപ്പം വിശാലബെഞ്ചിന് വിടുന്ന കാര്യങ്ങളൊന്നും ഈ ബെഞ്ചിന്റെ പരിഗണനയില്‍ വരുന്ന കാര്യങ്ങളല്ല. തങ്ങളുടെ പരിഗണനയിലുള്ളത് ശബരിമല സ്ത്രീപ്രവേശനവുമായി ബന്ധപ്പെട്ട ഇന്ത്യന്‍ യങ് ലോയേസ് അസോസിയേഷനും കേരളാ സര്‍ക്കാരും തമ്മിലുള്ള കേസിലെ പുനഃപരിശോധനാ ഹരജിയാണ്.
പുനഃപ്പരിശോധനാ ഹരജിയില്‍ ചൂïിക്കാട്ടിയ ഭൂരിഭാഗം കാര്യങ്ങളും ആദ്യ കേസിലെ വാദത്തിലുന്നയിച്ചവ തന്നെയാണ്. ശബരിമലയില്‍ സ്ത്രീ പ്രവേശനം അനുവദിച്ച വിധിയിലെ ജഡ്ജിമാരുന്നയിച്ച സുപ്രധാന പരാമര്‍ശങ്ങള്‍ ചൂïിക്കാട്ടിയ വിധി ഇക്കാര്യത്തിലൊന്നും മാറ്റം വരുത്തേïതില്ലെന്ന് വ്യക്തമാക്കി.
കോടതി വിധി നടപ്പാക്കുന്നത് തടയാന്‍ ശ്രമിക്കുന്നവരെ കര്‍ശനമായി നേരിടണമെന്നും വിയോജിച്ച വിധിന്യായത്തില്‍ ഇരുവരും വ്യക്തമാക്കി, നിയമവാഴ്ച സര്‍ക്കാര്‍ ഉറപ്പാക്കണം. സര്‍ക്കാര്‍ കോടതി വിധി മാധ്യമങ്ങളിലൂടെ പ്രചരിപ്പിക്കണം. ഭരണഘടനാ മൂല്യമുറപ്പാക്കി സമുദായത്തെ വിശ്വാസത്തിലെടുക്കുകയും വിധി നടപ്പാക്കാനുള്ള നടപടികള്‍ സ്വീകരിക്കുകയും വേണമെന്നും വിധി നിര്‍ദേശിക്കുന്നു.