ചെങ്ങന്നൂര്‍: സ്‌കൂള്‍ അധ്യാപികയെ കാറിടിച്ച് വീഴ്ത്തി അധ്യാപികയെ രക്ഷപ്പെടുത്താന്‍ ശ്രമിക്കാതെ സംഭവസ്ഥലത്ത് നിന്ന് ഡ്രൈവര്‍ മുങ്ങി. ചെന്നിര്‍ക്കര നോര്‍ത്ത് എല്‍.പി സ്‌കൂളിലെ അധ്യാപിക തുരിത്തിമേല്‍ കീരിക്കല്‍ മാത്യൂവിന്റെ ഭാര്യ ഷൈനി ദാനിയേല്‍( 45) നെയാണ് ഇടിച്ച് വീഴ്ത്തിയത്. ഇന്നലെ രാവിലെ 8.30 ഓടെ ആലക്കാവ് ദേവിക്ഷേത്രത്തിന് മുന്‍പിലാണ് സംഭവം.ഹോണ്ടാ ആക്ടീവാ സ്‌കൂട്ടറില്‍ സ്‌കൂളിലേക്ക് പോകുമ്പോള്‍ പുറകില്‍ നിന്നു വന്ന വാഗണര്‍ കാറ് ഇടിച്ച് വീഴുത്തുകയായിരുന്നു. കാറ് അധ്യാപകയുടെ നെഞ്ചത്ത് കൂടി കേറി ഇറങ്ങി സമീപത്തുള്ള അംഗന്‍വാടിയുടെ മതില്‍ ഇടിച്ച് തകര്‍ത്ത് കിണറിന്റെ കല്‍ക്കെട്ടില്‍ ഇടിച്ചു നില്ക്കുകയായിരുന്നു. വാഹനമോടിച്ചയാള്‍ അദ്ധ്യാപികയെ രക്ഷപ്പെടുത്താതെ മുങ്ങുകയായിരുന്നു.അദ്ധ്യാപികയുടെ ഒന്‍പത് വാരിയെല്ലുകള്‍ക്ക് ഒടിവ് സംഭവിക്കുകയും ശ്വാസകോശത്തില്‍ രക്തസ്രാവം ഉണ്ടാവുകയും ചെയ്യതു.ഗുരുതരമായി പരുക്കേറ്റ ഇവരെ തിരുവല്ലയിലുള്ള സ്വകാര്യ മെഡിക്കല്‍ കോളജില്‍ പ്രവേശിപ്പിച്ചു.