തലശ്ശേരി: കതിരൂര്‍ നാമത്ത്മുക്കില്‍ സി.പി.എം അക്രമത്തില്‍ രണ്ട് ബി.ജെ.പി പ്രവര്‍ത്തകര്‍ക്ക് പരുക്കേറ്റു. പൊന്ന്യം കക്കറയിലെ വലിയപറമ്പത്ത് അശ്വിന്‍(19), നന്ദനത്തില്‍ അജയ്(19) എന്നിവര്‍ക്കാണ് പരുക്കേറ്റത്.
വ്യാഴാഴ്ച രാത്രി ഇരുവരും ബൈക്കില്‍ സഞ്ചരിക്കവെ ഒരു സംഘം സി.പി.എം പ്രവര്‍ത്തകര്‍ തടഞ്ഞുനിര്‍ത്തി ആക്രമിച്ച് പരുക്കേല്‍പ്പിച്ചെന്നാണ് പരാതി. ഇരുവരും തലശ്ശേരി ഇന്ദിരാഗാന്ധി സഹകരണ ആശുപത്രിയില്‍ ചികിത്സ തേടി. സി.പി.എം അക്രമത്തില്‍ കൊല്ലപ്പെട്ട കതിരൂര്‍ മനോജിന്റെ ബന്ധുക്കളാണ് ഇരുവരും. കതിരൂര്‍ പൊലിസ് കേസെടുത്തു.