മട്ടന്നൂര്‍:പഴശ്ശിരാജ എന്‍.എസ്.എസ് കോളജ് ഹിന്ദി വകുപ്പ് ഹിന്ദി സാഹിത്യചര്‍ച്ചയുടെ വിവിധ തലങ്ങള്‍'എന്ന വിഷയത്തില്‍  അന്താരാഷ്ട്ര സെമിനാര്‍ നടത്തും. ഓഗസ്റ്റ് 11, 12, 13 തീയതികളിലായി നടക്കുന്ന സെമിനാറില്‍ ഇന്‍ഡ്യയിലെയും വിദേശത്തെയും പ്രമുഖര്‍ പങ്കെടുക്കും.
കണ്ണൂര്‍ സര്‍വകലാശാല പി.വി.സി ഡോ. ടി. അശോകന്‍ ഉദ്ഘാടനം ചെയ്യും.
ശ്രീലങ്കയിലെ ഉപുല്‍ രഞ്ജിത് മുഖ്യപ്രഭാഷണം നടത്തും.  പരിപാടിയില്‍ ഡോ. നാംദേവ്, ഡോ. സുനിത വിവേക്, ഡോ. രഞ്ജന പിള്ള, പ്രൊഫ. ശശിധരന്‍, പ്രൊഫ. പി. രവി, പ്രൊഫ. പ്രമോദ് കൊവ്വപ്രത്ത്, ഡോ. കെ. സജീവ് പങ്കെടുക്കും.
സമാപനസമ്മേളനത്തില്‍ കാലടി സംസ്‌കൃത സര്‍വകലാശാല രജിസ്ട്രാര്‍ ഡോ. ടി.പി രവീന്ദ്രന്‍ മുഖ്യാതിഥിയാകും. സെമിനാറില്‍ പ്രബന്ധങ്ങള്‍ അവതരിപ്പിക്കാന്‍ ആഗ്രഹിക്കുന്നവര്‍ 9446739173 എന്ന നമ്പറില്‍ ബന്ധപ്പെടണം.