കണ്ണൂര്‍: തിരുവനന്തപുരത്തെ അക്രമത്തിന്റെ പശ്ചാത്തലത്തില്‍ കണ്ണൂര്‍ ജില്ലയില്‍ പാര്‍ട്ടി ഓഫിസുകള്‍ക്കും നേതാക്കളുടെ വീടുകള്‍ക്കും പൊലിസ് കനത്ത സുരക്ഷ ഏര്‍പ്പെടുത്തി.
സി.പി.എം ജില്ലാകമ്മിറ്റി ഓഫിസായി പ്രവര്‍ത്തിക്കുന്ന കണ്ണൂര്‍ നഗരത്തിലെ അഴീക്കോടന്‍ മന്ദിരം, താളിക്കാവിലെ ബി.ജെ.പി ജില്ലാകമ്മിറ്റി ഓഫിസ്, കോണ്‍ഗ്രസ് ജില്ലാ ആസ്ഥാനം തുടങ്ങിയ പാര്‍ട്ടി ഓഫിസുകള്‍ക്കും മുഖ്യമന്ത്രി പിണറായി വിജയന്‍,സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്‍, ബി.ജെ.പി ദേശീയസമിതിയംഗം പി.കെ കൃഷ്ണദാസ് തുടങ്ങിയ നേതാക്കളുടെ വീടിനുമാണ് സുരക്ഷ ശക്തമാക്കിയത്. രാത്രികാല പട്രോളിങും ശക്തമാക്കി.