കാസര്‍കോട്: ബദിയടുക്ക  ബെളിഞ്ചം ഹദ്ദാദ് ജമാഅത്ത് മഹല്ല്  ഖാസിയായി  സമസ്ത ജനറല്‍ സെക്രട്ടറിയും കാസര്‍കോട് സംയുക്ത ജമാഅത്ത് ഖാസിയുമായ  പ്രൊഫ.കെ. ആലിക്കുട്ടി മുസ്‌ലിയാര്‍ സ്ഥാനമേറ്റു. സ്ഥാനാരോഹണ ചടങ്ങിന്റെ ഉദ്ഘാടനം കര്‍ണാടക മൂഡിഗാര ഖാസി  എം.എ ഖാസിം മുസ്‌ലിയാര്‍ നിര്‍വഹിച്ചു.
ചടങ്ങില്‍ ജമാഅത്ത് പ്രസിഡന്റ്  കെ.ബി അബ്ദുല്ല വൈദ്യര്‍ അധ്യക്ഷനായി. കാനകോട് പൈക്ക സംയുക്ത ഖാസി സയ്യിദ് മുഹമ്മദ് മദനി തങ്ങള്‍ സ്ഥാനാരോഹണ ചടങ്ങിനു നേതൃത്വം നല്‍കി. ഇ.പി ഹംസത്തു സഅദി, ഫസലു റഹ്മാന്‍ ദാരിമി കുമ്പഡാജ, ഇസ്മാഈല്‍ ദാരിമി, മാഹിന്‍ ദാരിമി ഗാളിമുഖം, മൊയ്തു മൗലവി പള്ളപ്പാടി,റഷീദ് ബെളിഞ്ചം എന്നിവര്‍ ചടങ്ങില്‍ സംസാരിച്ചു.