അമ്പലപ്പുഴ: കഞ്ചാവുമായി രണ്ട് യുവാക്കള്‍ പിടിയില്‍. പുന്നപ്ര തെക്ക് പഞ്ചായത്ത് ഒന്നാം വാര്‍ഡില്‍ പനച്ചുവട് ആറാട്ട് കുളങ്ങര വീട്ടില്‍ നിഥിന്‍ (20), ഒന്നാം വാര്‍ഡില്‍ ഈരേശേരി വീട്ടില്‍ ടോണി (20) എന്നിവരെയാണ് പുന്നപ്ര എസ്.ഐ ശ്രീജിത്തിന്റെ നേതൃത്വത്തിലുള്ള പോലീസ് സംഘം അറസ്റ്റ് ചെയ്തത്.
കഴിഞ്ഞ ദിവസം വൈകിട്ട് രണ്ട് യുവാക്കളും ചേര്‍ന്ന് പുന്നപ്ര പനച്ചുവട് മടണോണ പള്ളിക്ക് സപീപം കഞ്ചാവ് വില്പന നടത്തുന്നതായി ജീല്ലാ പോലീസ് ചീഫിന്റെ സ്‌പെഷ്യല്‍ സ്‌കോടിന് വിവരം ലഭിച്ചതിന്റെ അടിസ്ഥാനത്തില്‍ നടത്തിയ പരിശോധനയിലാണ് ഇരുവരും പിടിയിലായത്. ഇവരില്‍ നിന്നും 12 പൊതികളിലായി സൂക്ഷിച്ചിരുന്ന 60 ഗ്രാം കഞ്ചാവ് കണ്ടെടുത്തു.
നിഥിന്‍ കിഴക്കന്‍ ജില്ലകളില്‍ നിന്ന് കഞ്ചാവ് എത്തിക്കുകയും പിന്നീട് ടോണി മുഖേന സ്‌കൂള്‍, കോളേജ്, തീരപ്രദേശം എന്നിവിടങ്ങള്‍ കേന്ദ്രീകരിച്ച് വില്പന നടത്തിവരുകയായിരുന്നെന്ന് പോലീസ് പറഞ്ഞു.
സ്‌ക്വാഡ് അംഗങ്ങളായ രാജ്കുമാര്‍, ഹരികൃഷ്ണന്‍, സമീഷ്, മാഹീന്‍, സിദ്ധീക്ക്, അഗസ്റ്റിന്‍ എന്നിവരും എസ്‌ഐക്കൊപ്പം ഉണ്ടായിരുന്നു. പ്രതികളെ അമ്പലപ്പുഴ കോടതിയില്‍ ഹാജരാക്കി.