കൊടുങ്ങല്ലൂര്‍: തിരുവനന്തപുരത്ത് സി.പി.എം-ബി.ജെ.പി അക്രമത്തിന്റെ പശ്ച്ചാത്തലത്തില്‍ കൊടുങ്ങല്ലൂരില്‍ പൊലിസ് സുരക്ഷ ശക്തമാക്കി. സുരക്ഷയുടെ ഭാഗമായി കൊടുങ്ങല്ലൂരിലേക്ക് സായുധ പൊലിസിനെ നിയോഗിച്ചു. രാഷ്ട്രീയ പാര്‍ട്ടി ഓഫിസുകളും, പ്രധാന നേതാക്കളുടെ വീടുകളും കേന്ദ്രീകരിച്ച് രാത്രി പട്രോളിങ് ആരംഭിച്ചു.
തൃശ്ശൂരില്‍ നിന്നുമെത്തിയ അധിക പൊലിസുകാരെ  വിവിധയിടങ്ങളില്‍ പട്രോളിങിനായി നിയോഗിച്ചു. ജീപ്പുകളും, മോട്ടോര്‍ ബൈക്കുകളും ഉപയോഗിച്ചുള്ള രാത്രി പെട്രോളിങും വരും ദിവസങ്ങളിലും തുടരും. കൂടാതെ  കണ്‍ട്രോള്‍ റൂമിലും കൂടുതല്‍ പൊലിസിനെ നിയോഗിച്ചു. സംഘര്‍ഷ സാധ്യത കണക്കിലെടുത്ത് രാഷ്ട്രീയ പാര്‍ട്ടികള്‍ സ്ഥാപിച്ച ഫ്‌ളക്‌സ് ബോര്‍ഡുകള്‍ പൊലിസ് നീക്കം ചെയ്തു.