മുക്കം: വിദ്യാഭ്യാസ വ്യാപനവും സജീവതയുമാണ് വലിയ പുണ്യ കര്‍മ്മമെന്നും സമൂഹത്തിന്റെ എല്ലാ രംഗത്തും ധാര്‍മിക ആവബോധം സൃഷ്ടിക്കുന്ന സമന്വയ വിദ്യാഭ്യാസത്തിന്റെ പ്രസക്തി ഇന്ന് വര്‍ധിച്ചു വരികയാണെന്നും യു.കെ അബ്ദുലലത്തീഫ് ബാഖവി. ചേന്ദമംഗല്ലൂര്‍ സുന്നിയ്യ ശരീഅത്ത് കോളജില്‍ ആരംഭിച്ച ബി.എ അറബിക് കോഴ്‌സ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
മാമ്പറ്റ അബൂബക്കര്‍ മുസ്‌ലിയാര്‍ അധ്യക്ഷനായി. എം.കെ ഉമര്‍ ബാഖവി, ഡോ. അബ്ദുലത്തീഫ് നദ്‌വി, ഡോ. അഷ്‌റഫ് തിട്ടൂര്‍, ഡോ. നജീബ് നെല്ലിക്കുത്ത്, യൂനുസ് വാഫി പാഴൂര്‍, അബുല്‍ഖൈര്‍ ചേന്ദമംഗല്ലൂര്‍, വി. സുലൈമാന്‍, എം.കെ മുസ്തഫ സംസാരിച്ചു.