കടുത്തുരുത്തി: സ്‌കൂള്‍ വിട്ട് മടങ്ങുകയായിരുന്ന പെണ്‍ക്കുട്ടിയെ കയറി പിടിച്ച വൃദ്ധനെ പൊലിസ് അറസ്റ്റ് ചെയ്തു. കുറുപ്പന്തറ പ്രാഥമികാരോഗ്യ കേന്ദ്രത്തിന് സമീപ് വെള്ളിയാഴ്ച്ച വൈകൂന്നേരം 4.30 ഓടെയാണ് സംഭവം.  
മൂലക്കാട്ട്മഠം ആന്റിണി (കുഞ്ഞൂഞ്ഞ്-73) ആണ് അറസ്റ്റിലായത്.  ഏഴാം ക്ലാസ് വിദ്യാര്‍ഥിയാണ് പെണ്‍ക്കുട്ടി. സാധാരണ സഹോദരിക്ക് ഒപ്പമാണ് പെണ്‍ക്കുട്ടി സ്‌കൂളില്‍ പോയി വന്നിരുന്നത്. വെള്ളിയാഴ്ച്ച വൈകൂന്നേരം സ്‌കൂള്‍ വിട്ട്  മടങ്ങവെ  ആളൊഴിഞ്ഞ സ്ഥലത്ത് വെച്ച് കുട്ടിയെ ആന്റണി കയറി പിടിക്കുകയായിരുന്നു.
പിറ്റേന്ന് സ്‌കൂളിലെത്തി കൂട്ടുകാരോട് വിവരം പറഞ്ഞു. തുടര്‍ന്ന് സ്‌കൂളില്‍ നിന്നും അറിയിച്ചതിനെ തുടര്‍ന്ന് പൊലിസെത്തി പെണ്‍ക്കുട്ടിയുടെ മൊഴിയെടുത്തു.മൊഴിയുടെ അടിസ്ഥാനത്തില്‍ ഇയാള്‍ക്കെതിരെ കേസ് രജിസ്റ്റര്‍ ചെയ്തു.
തുടര്‍ന്ന് രാത്രിയോടെ കടുത്തുരുത്തി സി.ഐ എം.കെ. ബിനുകുമാര്‍, എസ്.ഐ കെ.ആര്‍. പ്രശാന്ത് കുമാര്‍, എ.എസ്.ഐ ജയകുമാര്‍ എന്നിവരുടെ നേതൃത്വത്തില്‍ പ്രതിയെ അറസ്റ്റ് ചെയ്തു.  വൈക്കം കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.