ഇരിട്ടി: പഴശ്ശി പുഴയില്‍ മീന്‍ പിടിക്കുന്നതിനിടെ ഒഴുക്കില്‍പെട്ട് ആദിവാസി മദ്ധ്യവസ്‌കനെ കാണാതായി.
പടിയൂര്‍ ചടച്ചിക്കുണ്ടം ചീരങ്ങാട് കോളനിയിലെ ബാലന്റെ മകന്‍ കരുണ(50)നെയാണ് കാണാതായത്. മകനും സുഹൃത്തുക്കള്‍ക്കൊപ്പം വെള്ളിയാഴ്ച വൈകുന്നേരം നിടിയോടി ശാന്തമുക്കിനടുത്തുള്ള പഴശ്ശി പുഴയില്‍ മീന്‍ പിടിക്കുന്നതിനിടെ ഒഴുക്കില്‍പെടുകയായിരുന്നു. കൂടെയുണ്ടായിരുന്നവര്‍ രക്ഷപ്പെടുത്താന്‍ ശ്രമിച്ചെങ്കിലും ശക്തമായ ഒഴുക്കുള്ളതിനാല്‍ വിഫലമായി. ഇരിക്കൂര്‍ പൊലിസും ഇരിട്ടി ഫയര്‍ഫോഴ്‌സും നാട്ടുകാരും വെള്ളിയാഴ്ച രാത്രിയും ഇന്നലെയും പുഴയില്‍ തെരച്ചില്‍ നടത്തിയെങ്കിലും കണ്ടെത്താനായില്ല.