തിരുവനന്തപുരം: മാധ്യമ പ്രവര്‍ത്തകര്‍ക്ക് വീണ്ടും. നിയന്ത്രണം ഏര്‍പ്പെടുത്തി ആഭ്യന്തര വകുപ്പ് ഉത്തരവിറക്കി. പൊതുപരിപാടികള്‍ക്കിടെ മുഖ്യമന്ത്രി, മന്ത്രിമാര്‍ എന്നിവരുടെ പ്രതികരണം എടുക്കാന്‍ പാടില്ലെന്നാണ് ഉത്തരവില്‍ പറയുന്നത്. പ്രതികരണമെടുക്കാന്‍ പി.ആര്‍.ഡി അനുമതി ആവശ്യമാണ്.

സെക്രട്ടറിയേറ്റ്, ഗസ്റ്റ് ഹൌസ്, റെയില്‍വെ സ്റ്റേഷന്‍, എയപോര്‍ട്ട് എന്നിവടങ്ങളില്‍ പ്രതികരണമെടുക്കുന്നതിനും നിയന്ത്രണമുണ്ട്. പൊതു സ്ഥലങ്ങളില്‍ മാധ്യമ പ്രവര്‍ത്തകര്‍ പ്രതികരണമെടുക്കുന്ന സുരക്ഷാ പ്രശ്‌നങ്ങള്‍ക്ക് കാരണമാകുന്നുവെന്നും ഉത്തരവില്‍ പറയുന്നു.

മാധ്യമങ്ങളെ നിയന്ത്രിക്കാനുള്ള നീക്കം അപകടകരമെന്ന് രമേശ് ചെന്നിത്തല പറഞ്ഞു. സര്‍ക്കാര്‍ ഉത്തരവ് പിന്‍വലിക്കണം. മുഖ്യമന്ത്രി അറിയാതെ ഉത്തരവ് ഇറങ്ങില്ലെന്നും ചെന്നിത്തല ചൂണ്ടിക്കാട്ടി.