കോഴിക്കോട്: ഓഗസ്റ്റ് ഒന്നുമുതല്‍ 20 വരെ നടക്കുന്ന 'സുപ്രഭാതം' കാംപയിന്‍ വിജയിപ്പിക്കാന്‍ കോഴിക്കോട്ട് ചേര്‍ന്ന സമസ്ത കേരള ജംഇയ്യത്തുല്‍ ഉലമാ കേന്ദ്ര മുശാവറ യോഗം ആഹ്വാനം ചെയ്തു.
മൂല്യാധിഷ്ഠിത പത്രപ്രവര്‍ത്തനത്തിലൂടെ മലയാളിയുടെ മനസറിഞ്ഞ 'സുപ്രഭാതം' സാഭിമാനം നാലാം വര്‍ഷത്തിലേക്ക് പ്രവേശിക്കുകയാണ്. ഈ ഘട്ടത്തില്‍ കൂടുതല്‍ വരിക്കാരെ ചേര്‍ത്തും പ്രചാരണം നടത്തിയും കാംപയിന്‍ വിജയിപ്പിക്കാന്‍ മുഴുവന്‍ പോഷകഘടകങ്ങളുടെയും പ്രവര്‍ത്തകര്‍ രംഗത്തിറങ്ങണമെന്ന് യോഗം അഭ്യര്‍ഥിച്ചു.
പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ അധ്യക്ഷനായി. ജനറല്‍ സെക്രട്ടറി കെ. ആലിക്കുട്ടി മുസ്‌ലിയാര്‍ സ്വാഗതം പറഞ്ഞു. എം.ടി അബ്ദുല്ല മുസ്‌ലിയാര്‍, സി.കെ.എം സ്വാദിഖ് മുസ്‌ലിയാര്‍, കെ.പി അബ്ദുല്‍ ജബ്ബാര്‍ മുസ്‌ലിയാര്‍, പി.പി ഉമര്‍ മുസ്‌ലിയാര്‍, കെ.ടി ഹംസ മുസ്‌ലിയാര്‍, എം.എം മുഹ്‌യുദ്ദീന്‍ മൗലവി, യു.എം അബ്ദുറഹ്മാന്‍ മുസ്‌ലിയാര്‍, പി. ഇബ്‌റാഹീം മുസ്‌ലിയാര്‍, ഒ. മുഹമ്മദ് എന്ന കുട്ടി മുസ്‌ലിയാര്‍, എം.കെ മൊയ്തീന്‍കുട്ടി മുസ്‌ലിയാര്‍, ടി.പി മുഹമ്മദ് എന്ന ഇപ്പ മുസ്‌ലിയാര്‍, എം.പി കുഞ്ഞി മുഹമ്മദ് മുസ്‌ലിയാര്‍, ത്വാഖാ അഹ്മദ് മുസ്‌ലിയാര്‍, പി.കെ കുഞ്ഞിക്കോയ മുസ്‌ലിയാര്‍ വാവാട്, വി. മൂസക്കോയ മുസ്‌ലിയാര്‍, എ. മരക്കാര്‍ മുസ്‌ലിയാര്‍, പി.കെ മൂസക്കുട്ടി ഹസ്രത്ത്, പി. കുഞ്ഞാണി മുസ്‌ലിയാര്‍, ടി.എസ് ഇബ്‌റാഹീംകുട്ടി മുസ്‌ലിയര്‍, കെ. ഹൈദര്‍ ഫൈസി പനങ്ങാങ്ങര, വാക്കോട് മൊയ്തീന്‍കുട്ടി ഫൈസി, കെ. ഉമര്‍ ഫൈസി മുക്കം, എ.വി അബ്ദുറഹ്മാന്‍ മുസ്‌ലിയാര്‍ ചര്‍ച്ചയില്‍ പങ്കെടുത്തു.