കൊയിലാണ്ടി: സപ്ലൈകോ, മാവേലി സ്‌റ്റോര്‍ എന്നിവിടങ്ങളില്‍ ജോലി ചെയ്യുന്ന തൊഴിലാളികള്‍ക്ക് ഉടന്‍ മിനിമം കൂലി നടപ്പിലാക്കണമെന്ന് സപ്ലൈകോ വര്‍ക്കേഴ്‌സ് ഫെഡറേഷന്‍(എ.ഐ.ടി.യു.സി) ജില്ലാ കണ്‍വന്‍ഷന്‍ ആവശ്യപ്പെട്ടു.
ഓണത്തിനു മുന്‍പ് മിനിമം വേതനം നടപ്പിലാക്കിയില്ലെങ്കില്‍ അനിശ്ചിതകാല സമരവുമായി മുന്നോട്ടു പോകുവാന്‍ തീരുമാനിച്ചു. യൂനിയന്‍ സംസ്ഥാന പ്രസിഡന്റ് ജെ. ഉദയഭാനു ഉദ്ഘാടനം ചെയ്തു. ജില്ലാ പ്രസിഡന്റ് അഡ്വ.സുനില്‍ മോഹന്‍ അദ്ധ്യക്ഷനായി. ജില്ലാ സെക്രട്ടറി സുനില്‍ കുമാര്‍ പാലേരി റിപ്പോര്‍ട്ട് അവതരിപ്പിച്ചു. എ.ഐ.ടി.യു.സി ജില്ലാ സെക്രട്ടറി കെ.ജി പങ്കജാക്ഷന്‍, എ.ഐ.വൈ.എഫ് കൊയിലാണ്ടി മണ്ഡലം സെക്രട്ടറി രമേശ് ചന്ദ്രന്‍, സി.കെ ബാലന്‍ സംസാരിച്ചു. ഗിരിജ ഇയ്യാട് നന്ദി പറഞ്ഞു.