മങ്കട: കേരളാ ലളിതകലാ അക്കാദമി ഏര്‍പ്പെടുത്തിയ ചിത്രകലയ്ക്കുള്ള സംസ്ഥാന പുരസ്‌കാരം മങ്കട വള്ളിക്കാപറ്റ സ്വദേശിനി കെ.എസ് സൂരജയ്ക്ക്. അന്‍പതിനായിരം രൂപയും പ്രശസ്തിപത്രവും ശില്‍പവുമടങ്ങുന്നതാണ് അവാര്‍ഡ്.വള്ളിക്കാപറ്റ തണല്‍ ഗ്രാമത്തിലെ ചിത്രകാരന്‍ സുധിന്‍ സുബ്രഹ്മണ്യന്റെ ഭാര്യയാണ് സൂരജ. പെയിന്റിങ്ങില്‍ ഒന്നാം റാങ്കോടെ മാസ്റ്റര്‍ ബിരുദം നേടിയ സൂരജയുടെ ചിത്രങ്ങള്‍ 2013 മുതല്‍ ലളിതകലാ അക്കാദമി സ്റ്റേറ്റ് എക്‌സിബിഷനിലും സ്റ്റുഡന്റ് ബിനാലെയിലും പ്രദര്‍ശിപ്പിച്ചുവരുന്നുണ്ട്. 'ഹോപ്പ് എ' ചിത്രത്തിന് അക്കാദമിയുടെ പ്രത്യേക പരാമര്‍ശം നേടിയപ്പോള്‍ പേരു ചേര്‍ത്തിയിട്ടില്ലാത്ത ചിത്രത്തിനാണ് അവാര്‍ഡ് ലഭിച്ചത്. തന്റെ മുടികൊണ്ടു കണ്ണും വായും മൂടുന്ന മൂന്നു ചിത്രങ്ങടങ്ങിയ ചിത്രങ്ങള്‍ക്കാണ് അവാര്‍ഡ് ലഭിച്ചത്.