വേങ്ങര: ഊരകം യാറംപടിയില്‍ നിയന്ത്രണം വിട്ട ചെങ്കല്‍ ലോറിയിടിച്ച് എട്ടു വാഹനങ്ങള്‍ അപകടത്തില്‍ പെട്ടു. രണ്ടു നിസാന്‍ ലോറികള്‍, ഓരു മാരുതി വാഗ്‌നര്‍, സ്‌കൂട്ടറുള്‍പ്പെടെ അഞ്ചു ഇരുചക്രവാഹനങ്ങളുമാണ് അപകടത്തില്‍ പെട്ടത്. ഇന്നലെ രാവിലെ 11.30 ഓടെയാണ് അപകടം.

പാണക്കാട് നിന്ന് ചെങ്കല്‍ കയറ്റി വന്ന ലോറി റോഡില്‍ തിരിക്കുകയായിരുന്ന മറ്റൊരു നിസാനിനു പിറകില്‍ ഇടിച്ചാണ് അപകടപരമ്പരക്കു തുടക്കമിട്ടത്. തുടര്‍ന്ന് നിര്‍ത്തിയിട്ട ബൈക്കുകളിലും കാറിലും ഇടിച്ച് സമീപത്തെ ഇലക്ട്രിക്ക് പോസ്റ്റിലും തട്ടിയാണ് നിസാന്‍ ലോറി നിലയുറപ്പിച്ചത്. ചെങ്കല്‍കയറ്റിയ ലോറിയുടെ കാബിന്‍ പാടെ തകര്‍ന്നു. ഇരുചക്രവാഹനങ്ങളും പാടെ തകര്‍ന്നിട്ടുണ്ട്.
ചെങ്കല്‍ ലോറി ഡ്രൈവറെ സാരമായ പരുക്കുകളോടെ കോഴിക്കോട് സ്വകാര്യ ആശുപത്രിയില്‍ പ്രവേശിപ്പിച്ചു. ചെങ്കല്‍ ലോറിയുടെബ്രോക്ക് നഷ്ടപ്പെട്ടതാണ് അപകടത്തിനു കാരണമെന്ന് നാട്ടുകാര്‍ പറഞ്ഞു.