എടപ്പാള്‍: ഹര്‍ത്താല്‍ദിനത്തില്‍ ശുചീകരണ പ്രവര്‍ത്തനവുമായി യുവാക്കള്‍ രംഗത്ത്. റോഡിന് ഇരുവശത്തും കാടുമൂടി കിടക്കുന്ന എടപ്പാള്‍ മുണ്ടേങ്ങാട്ട് റോഡ് ശുചീകരിച്ചാണ് യുവകൂട്ടായ്മ മാതൃകയായത്. ഈ റോഡിലൂടെയാണ് വള്ളത്തോള്‍ കോളജിലേക്കും പൂക്കരത്തറ ദാറുല്‍ഹിദായ സ്‌കൂളിലേക്കും വിദ്യാര്‍ഥികള്‍ യാത്ര ചെയ്യുന്നത്.

എടപ്പാള്‍ ഹെല്‍ത്ത് ഇന്‍സ്‌പെക്ടര്‍ രഗീഷ് കുമാര്‍, പഞ്ചായത്തംഗം രാധിക, സജയ് പൊല്‍പ്പാക്കര, ജുനൈദ്,ഫര്‍സീന്‍, അജ്മല്‍, സഹല്‍, ഹിജാസ്, അക്ഷയ്, റസല്‍, നദീര്‍, നിഹാല്‍, ഫസീം നേതൃത്വം നല്‍കി.