മേപ്പയ്യൂര്‍: വാശിയേറിയ തെരഞ്ഞെടുപ്പ് പ്രചാരണത്തിനും കൊട്ടിക്കലാശത്തിനും ശേഷം കീഴ്പ്പയൂര്‍ മുഹ്‌യില്‍ ഇസ്‌ലാം ഹയര്‍ സെക്കന്‍ഡറി മദ്‌റസാ പാര്‍ലമെന്റ് തെരഞ്ഞെടുപ്പ് നടന്നു.
പൊതുതെരഞ്ഞെടുപ്പിന്റെ വിവിധ ഘട്ടങ്ങള്‍ പരിചയപ്പെടുത്തി നടന്ന തെരഞ്ഞെടുപ്പില്‍ പി.കെ മുഹമ്മദ് മദ്‌റസാ ലീഡറായും ഫാറൂഖ് അസി. ലീഡറായും കെ. ഫിദ ഡെപ്യൂട്ടി ലീഡറായും ഹിബ അസി. ഡെപ്യൂട്ടി ലീഡറായും തെരഞ്ഞെടുക്കപ്പെട്ടു. പുതിയ ലീഡര്‍മാരുടെ സത്യപ്രതിജ്ഞയും നടന്നു.
ചീഫ് ഇലക്ഷന്‍ കമ്മിഷണര്‍ ഇബ്രാഹിം മുസ്‌ലിയാര്‍ നിര്‍ദേശങ്ങള്‍ നല്‍കി. മഹ്‌റൂഫ് നിസാമി, ഷഫീക് റഹ്മാനി, അബ്ദുല്‍ റഹ്മാന്‍ യമാനി, നൗഫല്‍ ദാരിമി, കുഞ്ഞമ്മദ് മുസ്‌ലിയാര്‍, ഖലീല്‍ ഹുദവി, ഷാഫി, അഫസല്‍, അജ്മല്‍ എന്നിവര്‍ തെരഞ്ഞെടുപ്പ് നിയന്ത്രിച്ചു.