ഹരിപ്പാട്: പിക്കപ്പ് വാന്‍ ബൈക്കിലിടിച്ച് ബൈക്ക് യാത്രികന്‍ മരിച്ചു. താമല്ലാക്കല്‍ സജിത്ത് ഭവനത്തില്‍ സഹജന്‍ (55) ആണ് മരിച്ചത്.
ഇന്നലെ രാവിലെ 10ന് ദേശീയ പാതയില്‍ ചേപ്പാട് ഓര്‍ത്തഡോക്‌സ് പള്ളിക്ക് സമീപമാണ് അപകടം. കരുനാഗപ്പള്ളിയില്‍നിന്നും കിണറുപണിയുടെ സാധനങ്ങള്‍ കയറ്റി പാലക്കാട്ടേക്ക് പോയ വാന്‍ കായംകുളത്ത് കല്യാണ നിശ്ചയത്തില്‍ പങ്കെടുക്കുവാനായി പോകുകയായിരുന്ന സഹജന്‍ ഓടിച്ചിരുന്ന ബൈക്കില്‍ ഇടിക്കുകയായിരുന്നു. ബൈക്കില്‍ ഇടിച്ച ശേഷം ദമ്പതികളും ഒരു കുട്ടിയും സഞ്ചരിച്ചിരുന്ന സ്‌കൂട്ടറിലും വാന്‍ ഇടിച്ചു. ഗുരുതരമായി പരുക്കേറ്റ സഹജനെ താലൂക്ക് ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.
പരുക്കേറ്റ സ്‌കൂട്ടര്‍ യാത്രക്കാരെ വണ്ടാനം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. മൃതദേഹം താലൂക്ക് ആശുപത്രി മോര്‍ച്ചറിയില്‍. സംസ്‌കാരം പിന്നീട്. മേസ്തരിപ്പണിക്കാരനാണ്. ഭാര്യ: ഉഷ. മക്കള്‍: സജിത്ത്, സബിത. മരുമക്കള്‍: ആതിര, ഷണ്‍മുഖദാസ്.