തിരുവനന്തപുരം: സംസ്ഥാന കൃഷി വകുപ്പ് സംഘടിപ്പിക്കുന്ന നാലാമത് വൈഗ 2020 ജനുവരി നാല് മുതല്‍ ഏഴ് വരെ തൃശൂര്‍ തേക്കിന്‍കാട് മൈതാനിയില്‍ നടത്തുമെന്ന് മന്ത്രി വി.എസ് സുനില്‍കുമാര്‍ വാര്‍ത്താസമ്മേളനത്തില്‍ അറിയിച്ചു. യുവകര്‍ഷകരെയും പ്രവാസികളെയും കാര്‍ഷിക മേഖലയിലേക്കും മൂല്യവര്‍ധന രംഗത്തേക്കും ആകര്‍ഷിച്ചുകൊണ്ട് സുസ്ഥിര വളര്‍ച്ച നേടുക എന്നതാണ് ഇത്തവണത്തെ വൈഗയുടെ ലക്ഷ്യം. ഇന്ത്യയ്ക്കകത്തുനിന്നും വിദേശത്തുനിന്നും ധാരാളം സാങ്കേതിക വിദഗ്ധരും ശാസ്ത്രജ്ഞരും പങ്കെടുക്കുന്ന അന്താരാഷ്ട്ര ശില്‍പശാലയും നടക്കും.