ജിദ്ദ: സഊദിയില്‍ 43 വര്‍ഷങ്ങള്‍ക്ക് മുന്‍പ്് നടന്ന വാഹനാപകടക്കേസിലെ പ്രതികളെ പൊലിസ് പിടികൂടി. അപകടത്തിനു ശേഷം മുങ്ങിയ ഡ്രൈവറെയും സഹ യാത്രികനെയുമാണ് കഴിഞ്ഞ ദിവസം സഊദിയിലെ ത്വാഇഫില്‍നിന്നു പിടികൂടിയത്. അപകട സമയത്തുട്രാഫിക് പൊലിസിനു പ്രതികളെ പിടികൂടാന്‍ സാധിച്ചിട്ടില്ലായിരുന്നു. അതേസമയം മരണപ്പെട്ടയാളുടെ കുടുംബം പൊലിസിന്റെ സഹായത്തോടെ ഇക്കാലമത്രയും പ്രതികളെ കണ്ടു പിടിക്കാനുള്ള ശ്രമം തുടരുകയായിരുന്നു. പിടിക്കപ്പെട്ട പ്രതിക്ക് ഇപ്പോള്‍ 75 വയസ്സ് പ്രായമുണ്ട്. പ്രതി കുറ്റം സമ്മതിച്ചിട്ടുണ്ടെന്നും പൊലിസ് അറിയിച്ചു. പ്രതികളെ വിചാരണക്ക് വിധേയരാക്കുമെന്ന് അധികൃതര്‍ അറിയിച്ചു.