ബെര്‍ലിന്‍: നദിയുടെ മുകളില്‍ കേബിള്‍ കാറില്‍ കുടുങ്ങിയവരെ സാഹസികമായി രക്ഷപ്പെടുത്തി. ജര്‍മനിയിലെ കൊളഗ്നേയിലെ റിന്‍ നദിക്കു 46 അടി മുകളില്‍ കുടുങ്ങിയ 100 യാത്രക്കാരെയാണ് ഞാറാഴ്ച വൈകിട്ട് രക്ഷപ്പെടുത്തിയത്. കേബിള്‍ കാറിന്റെ ചക്രങ്ങള്‍ക്ക് കേടുപാടുകള്‍ സംഭവിച്ചതിനാലാണ് കാറിന്റെ പ്രവര്‍ത്തനം നിലച്ചത്. 32 കാറുകളാണ് ഒരു കാബിളിലൂടെ ഓടുന്നത്. അപകടം സംഭവിച്ച ഉടനെ മറ്റു കാറുകളുടെ നീക്കവും നിലച്ചു. സ്ത്രീകളും കുട്ടികളുമടക്കമുള്ള യാത്രക്കാര്‍ നദിക്കു മുകളില്‍ അകപ്പെട്ടു. മണിക്കൂറുകള്‍ നീണ്ട പരിശ്രമത്തിനൊടുവിലാണ് ബോട്ടു വഴി യാത്രക്കാരെ രക്ഷപ്പെടുത്തിയത്.
മൊബൈല്‍ ക്രെയിന്‍ ഉപയോഗിച്ച് രക്ഷപ്പെടുത്തുന്നതിനിടെ ഗര്‍ഭിണിക്കും യുവാവിനും പരുക്കേറ്റതൊഴിച്ചാല്‍ മറ്റു അപകടങ്ങളൊന്നുമുണ്ടായില്ല. 150 ഓളം രക്ഷാ സമിതി അംഗങ്ങളാണ് രക്ഷാപ്രവര്‍ത്തനം നടത്തിയത്.