HOME
DETAILS

ഇവനാണ് കൈപ്പുണിയന്‍...

  
backup
November 30 2019 | 06:11 AM

kerala-school-kalaolsavavm-795863-2

 
 
 
 
 
 
 
 
 
 
 
 
 
 
 
 
 
 
 
 
കാഞ്ഞങ്ങാട്: അതിരാവിലെ തലയിലൊരു പഴുത്ത വരിക്കച്ചക്കയുമായി യാത്ര പുറപ്പെട്ട കൈപ്പുണിയന്‍ നടന്നുകയറിയത് നാടകാസ്വാദകരുടെ ഹൃദയത്തിലേക്ക്. ഹൈസ്‌കൂള്‍ വിഭാഗം നാടക മത്സരത്തില്‍ മികച്ച നടനായി തിരഞ്ഞെടുക്കപ്പെട്ട മാനന്തവാടി എം.ജി.എം.എച്ച്.എസ്.എസിലെ ശ്രീരാഗ് ബാബുവാണ് മികച്ച നടനായത്. ഒടുവില്‍ വരിക്കച്ചക്ക എന്ന നാടകത്തിന് പ്രമേയമായ കഥയെഴുതിയ അംബികാസുതന്‍ മാങ്ങാടില്‍നിന്നും അഭിനന്ദനങ്ങളും ശ്രീരാഗ് ഏറ്റുവാങ്ങി.
ഗര്‍ഭിണിയായ മകള്‍ക്ക് ചക്കയുമായി പുറപ്പെടുന്ന എഴുപതുകാരനായ കൈപ്പുണിയന്‍ എന്ന കഥാപാത്രമായാണ് ശ്രീരാഗ് അരങ്ങിലെത്തിയത്. പുതിയ കാലത്തിന്റെ വികസനക്കുതിപ്പിനൊപ്പം നടന്നു നീങ്ങാനാവാതെ തളര്‍ന്നുവീഴുന്ന കൈപ്പുണിയന്‍ പരിസ്ഥിതിയെ തകര്‍ത്തുകൊണ്ടുള്ള വികസനത്തിനിടയില്‍ തകര്‍ന്നുവീഴുന്ന മനുഷ്യരുടെ പ്രതിനിധിയാകുന്നു. രാജേഷ് കീഴത്തൂര്‍ സംവിധാനം ചെയ്ത വരിക്കച്ചക്ക എന്ന നാടകം എ ഗ്രേഡ് സ്വന്തമാക്കി. പത്താംതരം വിദ്യാര്‍ഥിയാണ് ശ്രീരാഗ്.


Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."