ടെല്‍ അവീവ്: ഹിസ്ബുല്ലയുടെ തുരങ്കപാതകള്‍ നശിപ്പിക്കാനായി ഇസ്‌റാഈല്‍ സൈനിക നടപടി ആരംഭിച്ചു. ലെബനാനിനും ഇസ്‌റാഈലിനുമിടയിലെ പാതകളാണ് നശിപ്പിക്കുന്നത്. എന്നാല്‍, ഓപറേഷന്‍ ഇസ്‌റാഈല്‍ പ്രദേശങ്ങളില്‍ മാത്രമാണ് നടത്തുകയെന്നു സൈനിക മേധാവി ലെഫ്റ്റനന്റ് കേണല്‍ ജോനാഥന്‍ കോണ്‍റിക്കസ് പറഞ്ഞു.
ഇസ്‌റാഈല്‍ ഭരണത്തിനെതിരേ വ്യക്തമായ അതിക്രമങ്ങളാണ് ഹിസ്ബുല്ല നടത്തുന്നതെന്ന് അദ്ദേഹം പറഞ്ഞു.
ഹിസ്ബുല്ലയുടെ തുരങ്കപാത നിര്‍മാണത്തിന്റെ ഉത്തരവാദികള്‍ ലെബനാന്‍ സര്‍ക്കാരാണെന്ന് ഇസാഈല്‍ സൈനിക വക്താവ് അവിച്ചേ അദ്രിയാ ആരോപിച്ചു. ഹിസ്ബുല്ലയുടെ നിരവധി തുരങ്കങ്ങള്‍ കണ്ടെത്തിയെന്നും ലെബാനാനില്‍നിന്ന് ഇസ്‌റാഈലിലേക്ക് ആക്രമണം നടത്താനാണ് അവരുടെ ലക്ഷ്യമെന്നും അവര്‍ പറഞ്ഞു.