ശ്രീനഗര്‍:ലശ്കറെ ത്വയ്ബ കമാന്‍ഡറെ കശ്മീരില്‍ സുരക്ഷാ സേന വെടി വെച്ചു കൊന്നു. പൊലിസ് അന്വേഷിച്ചു കൊണ്ടിരിക്കുന്നവരില്‍ ഒരാളായ അബു ദുജാനയാണ് കൊല്ലപ്പെട്ടത്.  തെക്കന്‍ കശ്മീരിലെ പുല്‍വാമ ജില്ലയിലാണ് സംഭവം.

പാകിസ്താന്‍ പൗരനായ ദുജാനയാണ് കശ്മീരിലെ മിക്ക താവ്രവാദ ആക്രമണങ്ങളുടെയും സൂത്രധാരനെന്നാണ് പൊലിസ് നിഗമനം. അടുത്തിടെ നടന്ന അമര്‍നാഥ് ആക്രമണത്തിന്റെ സൂത്രധാരനെന്ന് സംശയിക്കുന്ന അബു ഇസ്മാഈലിന്റെ അടുത്ത സഹായിയാണ് ദുജാന.

സംഭവത്തെ കുറിച്ച് പൊലിസ് പ്രതികരിച്ചട്ടില്ല. പ്രദേശത്ത് ഇപ്പോഴും ഏറ്റു മുട്ടല്‍ തുടരുകയാണ്.