മലപ്പുറം: മുടിക്കോട് ജുമാമസ്ജിദില്‍ ഖത്വീബ് ഉള്‍പ്പെടെയുള്ളവരെ നിഷ്ഠൂരമായി അക്രമിക്കുകയും മഹല്ലില്‍ പ്രശ്‌നങ്ങള്‍ സൃഷ്ടിക്കുകയും ചെയ്ത കാന്തപുരം വിഭാഗത്തിന്റെ പ്രവര്‍ത്തനം പ്രതിഷേധാര്‍ഹമാണെന്നും കുറ്റക്കാര്‍ക്കെതിരെ ശക്തമായി നടപടി സ്വീകരിക്കണമെന്നും എസ്.വൈ.എസ് മണ്ഡലം കമ്മിറ്റി ആവശ്യപ്പെട്ടു. 

മലപ്പുറം സുന്നി മഹലില്‍ ചേര്‍ന്ന പ്രവര്‍ത്തക സമിതിയില്‍ ഹസന്‍ സഖാഫി പൂക്കോട്ടൂര്‍ അധ്യക്ഷനായി.
സയ്യിദ് കോയഞ്ഞിക്കോയ തങ്ങള്‍, അബ്ദുല്‍ അസീസ് ദാരിമി മുതിരിപ്പറമ്പ്, ഇ.പി അഹമ്മദ് കുട്ടി മുസ്‌ലിയാര്‍, പി.കെ.ലത്തീഫ് ഫൈസി, മുഹമ്മദലി മുസ്്‌ലിയാര്‍ ഇരുമ്പുഴി, സി.ടി ഹംസ, അസീസ് പുല്‍പ്പറ്റ സംസാരിച്ചു. എസ്.വൈ.എസ് മണ്ഡലം പ്രതിനിധി ക്യാംപ് 15ന് വള്ളുവമ്പ്രത്ത് നടത്താന്‍ തീരുമാനിച്ചു.