ഹവായി: അമേരിക്കയിലെ ഹവായില്‍ പേള്‍ ഹാര്‍ബര്‍ സൈനിക താവളത്തിനു നേരെയുണ്ടായ വെടിവയ്പ്പില്‍ രണ്ടു പേര്‍ കൊല്ലപ്പെട്ടു. നിരവധി പേര്‍ക്ക് പരുക്കേറ്റു. പരുക്കേറ്റവരില്‍ ഒരാളുടെ നില ഗുരുതരമാണ്.

പ്രാദേശിക സമയം ഉച്ചയ്ക്ക് 2.30 ഓടെയാണ് സംഭവം. യുസ് വ്യോമസേനാംഗമാണ് വെടിയുതിര്‍ത്തതെന്നാണ് വിവരം.

ഇന്ത്യന്‍ വ്യോമസേനാ മേധാവി ആര്‍.കെ.എസ്.ബഹദുരിയയും സംഘവും വെടിവെപ്പ് നടക്കുന്ന സമയം പേള്‍ ഹാര്‍ബറിലുണ്ടായിരുന്നു. ഇവര്‍ സുരക്ഷിതരാണെന്ന് വ്യോമസേന അറിയിച്ചു. പസഫിക് എയര്‍ ഓഫീസേര്‍സ് സമ്മിറ്റില്‍ പങ്കെടുക്കാനായാണ് വ്യോമസേനാ മേധാവിയും സംഘവും പേള്‍ഹാര്‍ബറില്‍ എത്തിയത്.

വെടിവെയ്പിനെ തുടര്‍ന്ന് പേള്‍ഹാര്‍ബറിലേക്കുള്ള ഗേറ്റുകള്‍ അടച്ചു. അമേരിക്കയടെ നാവികവ്യോമ സംയുക്ത താവളമാണ് പേള്‍ ഹാര്‍ബര്‍ ഹിക്കം.