കണ്ണൂര്‍: മുണ്ടയാട് ഇന്‍ഡോര്‍ സ്‌റ്റേഡിയത്തില്‍ നടക്കുന്ന ദേശീയ സീനിയര്‍ വനിതാ ബോക്‌സിങ് ചാംപ്യന്‍ഷിപ്പില്‍ 75 കിലോ ഭാരത്തില്‍ കേരളത്തിന്റെ ഇന്ദജ ഫൈനലില്‍ പ്രവേശിച്ചു. എതിരാളി ഉത്തര്‍പ്രദേശിന്റെ ഇമ്രോസ് ഖാനെ പരാജയപ്പെടുത്തിയാണു ഫൈനലിലെത്തിയത്.  

മത്സരത്തില്‍ ഇരുവരും മൂന്നു റൗണ്ടുകള്‍ പൂര്‍ത്തിയാക്കിയിരുന്നു. അഞ്ചു ജഡ്ജിമാരുടെ അനുകൂല തീരുമാനത്തോടെയാണ് ഇന്ദ്രജ ഫൈനലിലെത്തിയത്. അതേസമയം 48 കിലോ ഭാരത്തില്‍ ഓള്‍ഇന്ത്യാ പൊലിസിനെതിരേ കേരളത്തിനായി ഇറങ്ങിയ അഞ്ജു സാബു മികച്ച പഞ്ചുകളിലൂടെ മുന്നേറ്റം കാഴ്ചവച്ചിട്ടും പരാജയപ്പെട്ടു. ഇതിനെതിരേ കേരളം അപ്പീല്‍ നല്‍കി. കേരളത്തിനായി 81 പ്ലസ് ഭാരത്തില്‍ പി.എം അനശ്വര ഇന്നു സെമിഫൈനലില്‍ ഏറ്റുമുട്ടും.