മുംബൈ: മുന്‍ കേന്ദ്ര മന്ത്രിയും മുതിര്‍ന്ന മാധ്യമ പ്രവര്‍ത്തകനുമായ അരുണ്‍ ഷൂരിയ ആശുപത്രിയിലെത്തി സന്ദര്‍ശിച്ച് പ്രധാനമന്ത്രി നരേന്ദ്ര മോദി. ഷൂരിയെ പ്രവേശിപ്പിച്ചിരിക്കുന്ന പൂനെയിലെ റഊബി ഹാള്‍ ക്ലിനിക് ആശുപത്രിയില്‍ ഇന്ന് വൈകിട്ടാണ് പ്രധാനമന്ത്രിയെത്തിയത്. നടക്കുന്നതിനിടെ വീണ് പരിക്കേറ്റ 78കാരനായ ഷൂരിയെ കഴഞ്ഞയാഴ്ചയാണ് ആശുപത്രിയില്‍ പ്രവേശിപ്പിച്ചത്.

അരുണ്‍ ഷൂരിയെ ആശുപത്രിയില്‍ സന്ദര്‍ശിച്ചുവെന്നും അദ്ദേഹത്തിന്റെ ആരോഗ്യ വിവരങ്ങള്‍ തിരക്കിയെന്നും ട്വിറ്ററില്‍ കുറിച്ച പ്രധാനമന്ത്രി ഷൂരി എത്രയും വേഗത്തില്‍ സുഖം പ്രാപിക്കട്ടെയെന്നും കൂട്ടിച്ചേര്‍ത്തു. അരുണ്‍ ഷൂരിയുടെ നില മെച്ചപ്പെടുന്നുവെന്ന് ഡോക്ടര്‍ പ്രധാനമന്ത്രിയെ അറിയിച്ചു.

https://twitter.com/ANI/status/1203657741513846784?ref_src=twsrc%5Etfw%7Ctwcamp%5Etweetembed%7Ctwterm%5E1203657741513846784&ref_url=https%3A%2F%2Fwww.asianetnews.com%2Findia-news%2Fpm-modi-visits-arun-shourie-in-hospital-q27c8p