കല്‍പ്പറ്റ: സ്വാതന്ത്ര്യ ദിനത്തില്‍ പതിനൊന്ന് മേഖലാ കേന്ദ്രങ്ങളില്‍ വൈകിട്ട് നാലിന് ഫ്രീഡം സ്‌ക്വയര്‍ സംഘടിപ്പിക്കാന്‍ എസ്.കെ.എസ്.എസ്.എഫ് ജില്ലാ കമ്മിറ്റി തീരുമാനിച്ചു.
രാജ്യത്ത് ദളിതര്‍ക്കെതിരേയും ന്യൂനപക്ഷങ്ങള്‍ക്കെതിരേയും വര്‍ധിച്ച് വരുന്ന അക്രമങ്ങള്‍ക്കും പൗരസ്വാതന്ത്ര്യ ധ്വംസനങ്ങള്‍ക്കുമെതിരേ ശക്തമായ പ്രതികരണങ്ങളുടെ ഭാഗമായാണ് ഫ്രീഡം സ്‌ക്വയര്‍ സംഘടിപ്പിക്കുന്നത്.
വെങ്ങപ്പള്ളിയില്‍ പിണങ്ങോട് അബൂബക്കര്‍, മമ്മുട്ടി നിസാമി, പൊഴുതനയില്‍ കെ അലി മാസ്റ്റര്‍, ശൗക്കത്തലി മൗലവി, വടുവഞ്ചാലില്‍ കെ.എ നാസര്‍ മൗലവി, നൗഫല്‍ മാസ്റ്റര്‍ വാകേരി, ചുള്ളിയോട് ശംസുദ്ധീന്‍ റഹ്മാനി, യൂനുസ് വാഫി, ബത്തേരിയില്‍ മുഹമ്മദ് ദാരിമി വാകേരി, അബ്ദുല്‍ ലത്തീഫ് വാഫി, കമ്പളക്കാടില്‍ എ.കെ സുലൈമാന്‍ മൗലവി, മൊയ്തുട്ടി യമാനി, പനമരം അഷ്‌റഫ് ഫൈസി, മുഹമ്മദ് റഹ്മാനി തരുവണ, കാട്ടിക്കുളം യു.കെ നാസര്‍ മൗലവി, ആസിഫ് വാഫി, പേരിയ അലിയമാനി, അബൂബക്കര്‍ റഹ്മാനി, തരുവണയില്‍ കെ.സി മമ്മുട്ടി മുസ്‌ലിയാര്‍, മുഹമ്മദ് കുട്ടി ഹസനി, പടിഞ്ഞാറത്തറയില്‍ ഇബ്‌റാഹീം ഫൈസി പേരാല്‍, സുഹൈല്‍ വാഫി എന്നിവര്‍ പ്രഭാഷണം നടത്തും. യോഗത്തില്‍ പ്രസിഡന്റ് ശൗക്കത്തലി മൗലവി അധ്യക്ഷനായി.
 അയ്യൂബ് മുട്ടില്‍ സ്വാഗതവും അബ്ദുലത്തീഫ് വാഫി നന്ദിയും പറഞ്ഞു.