തൊടുപുഴ:   കഞ്ചാവ് കടത്താന്‍ ശ്രമിച്ച യുവാവിന് അഞ്ചുവര്‍ഷം  കഠിന തടവും അര ലക്ഷം രൂപ പിഴയും. പുത്തന്‍കുരിശ് ചൂണ്ടി ചെറുചുള്ളിപറമ്പില്‍ അബ്ദുല്‍റസാഖിനെ (32)യാണ് എന്‍ഡിപിഎസ് സ്‌പെഷ്യല്‍ കോടതി ജഡ്ജി കെ.കെ സുജാത ശിക്ഷിച്ചത്.  പിഴ അടച്ചില്ലെങ്കില്‍ ആറു മാസം  കഠിന തടവ് കൂടി അനുഭവിക്കണം.  2015 സെപ്തംബര്‍ 24ന് പകല്‍ മൂന്നരയോടെ കുമളി ചെക്ക് പോസ്റ്റില്‍വച്ചാണ് ഒരു കിലോ ഇരുന്നൂറ്റിയന്‍പത് ഗ്രാം കഞ്ചാവുമായി അടിമാലി നാര്‍കോട്ടിക് എന്‍ഫോഴ്‌സ്‌മെന്റ് സ്‌ക്വാഡിലെ എക്‌സൈസ് ഇന്‍സ്‌പെക്ടര്‍ ജിനീഷും സംഘവും ഇയാളെ പിടികൂടിയത്.
പ്രോസിക്യൂഷനു വേണ്ടി സ്‌പെഷല്‍ പബ്ലിക് പ്രോസിക്ക്യൂട്ടര്‍ അഡ്വ. പി.എച്ച് ഹനീഫാ റാവുത്തര്‍ ഹാജരായി.