കൊച്ചി: മൂന്നുമാസം മുമ്പ് കൊല്ലപ്പെട്ട യുവതിയുടെ മരണത്തിനു പിന്നില്‍ ഭര്‍ത്താവും കാമുകിയുമെന്ന് പൊലിസ് കണ്ടെത്തി. സംഭവത്തില്‍ ഭര്‍ത്താവും കാമുകിയും അറസ്റ്റില്‍. ഉദയംപേരൂര്‍ സ്വദേശിയായ വിദ്യയുടെ മരണത്തിലാണ് ഭര്‍ത്താവ് പ്രേംകുമാറും കാമുകി സുനിത ബേബിയുമാണ് അറസ്റ്റിലായത്. തിരുവനന്തപുരത്തുനിന്നാണ് പ്രതികള്‍ അറസ്റ്റിലായത്.

മൂന്നു മാസത്തിനുശേഷമാണിവര്‍ അറസ്റ്റിലാകുന്നത്. ഉദയംപേരൂര്‍ സ്വദേശി വിദ്യയെ സെപ്റ്റംബര്‍ മൂന്നിന് തിരുവനന്തപുരം പേയാടുള്ള റിസോര്‍ട്ടില്‍ എത്തിച്ചാണ് കൊലപ്പെടുത്തിയത്. വിദ്യയുമായെത്തി ഒന്നിച്ചിരുന്ന് മദ്യപിച്ച ശേഷം കഴുത്തില്‍ കയര്‍ മുറുക്കി പ്രേംകുമാര്‍ കൊലപ്പെടുത്തുകയായിരുന്നു. തുടര്‍ന്ന് ഭാര്യയെ കാണാതായെന്ന് പ്രേംകുമാര്‍ പൊലിസില്‍ പരാതിയും നല്‍കി. തുടര്‍ന്ന് പ്രേംകുമാറും കാമുകിയും ചേര്‍ന്ന് വിദ്യയുടെ മൃതദേഹം തമിഴ്‌നാട്ടിലെ തിരുനല്‍വേലിയില്‍ എത്തിച്ച് മറവ് ചെയ്യുകയായിരുന്നു. പ്രതികളെ ഇന്ന് കോടതിയില്‍ ഹാജരാക്കും.