വെഞ്ഞാറമൂട്: നിയന്ത്രണം വിട്ട കാര്‍ ബസ് കാത്തിരിപ്പ് കേന്ദ്രത്തിലേക്ക് ഇടിച്ചു കയറി ക്രിസ്തീയ പുരോഹിതന് പരുക്ക്. കാറിലെ യാത്രക്കാരനും പേരൂര്‍ക്കടയിലെ ഒരു ദേവലയത്തിലെ പുരോഹിതനായ കൊട്ടാരാക്കര സ്വദേശി ഫാദര്‍ ആല്‍വിന്‍ തേവലക്കോണത്തി(34)നാണ് പരുക്കേറ്റത്.
ഇന്നലെ പുലര്‍ച്ചെ രണ്ട് മണിക്കായിരുന്നു സംഭവം. പേരൂര്‍ക്കടയില്‍ നിന്നും കൊട്ടാരക്കരയിലേക്കുള്ള യാത്രക്കിടെ നിയന്ത്രണം വിട്ട കാര്‍ എം.സി റോഡില്‍ പിരപ്പന്‍കോടിന് സമീപം മഞ്ചാടിമൂട്ടിലുള്ള ബസ് കാത്തിരിപ്പ് കേന്ദ്രത്തിലേക്ക് ഇടിച്ചു കയറുകയായിരുന്നു. തുടര്‍ന്ന് ശബ്ദം കേട്ട് സ്ഥലത്തിയ നാട്ടുകാര്‍ അപകടത്തില്‍ പരുക്കേറ്റ പുരോഹിതനെ പിരപ്പന്‍കോട് സെന്റ് ജോണ്‍സ് ആശുപത്രിയില്‍ പ്രവേശിപ്പിച്ചു.