കാഞ്ഞങ്ങാട്: ഇന്ദിരാഗാന്ധി ജന്മശതാബ്ദി ആഘോഷത്തിന്റെ ഭാഗമായുള്ള ഇന്ദിരാജി പുരസ്‌ക്കാര്‍ നിര്‍വഹണം മൂലക്കണ്ടത്ത് ഡി.സി.സി പ്രസിഡന്റ് ഹക്കീംകുന്നില്‍ ഉദ്ഘാടനം ചെയ്തു. പ്രദേശത്തെ എസ്.എസ്.എല്‍.സി, പ്ലസ് ടു പരീക്ഷകളില്‍ മുഴുവന്‍ വിഷയങ്ങള്‍ക്കും എ പ്ലസ് നേടിയ വിദ്യാര്‍ഥികളെയും നൃത്തരംഗത്ത് വ്യക്തിമുദ്ര പതിപ്പിച്ച് കൊണ്ടിരിക്കുന്ന ശ്രീരേഷ് രത്‌നാകരന്‍ വെള്ളിക്കോത്തിനെയും അജാനൂര്‍ പഞ്ചായത്തിലെ മികച്ച കര്‍ഷകന്‍ എന്ന ബഹുമതി നേടിയ വി.എം ദിനേശനെയും ചടങ്ങില്‍ ആദരിച്ചു.
ഡി.സി.സി സെക്രട്ടറി പി.വി സുരേഷ് ഇന്ദിരാജി അനുസ്മരണ പ്രഭാഷണം നടത്തി. എം.നാരായണന്‍ അധ്യക്ഷനായി.
ബ്ലോക്ക് കോണ്‍ഗ്രസ് പ്രസിഡന്റ് ഡി.വി ബാലകൃഷ്ണന്‍, മണ്ഡലം കോണ്‍ഗ്രസ് കമ്മിറ്റി പ്രസിഡന്റ് എന്‍.വി അരവിന്ദാക്ഷന്‍, ബ്ലോക്ക് കോണ്‍ഗ്രസ് സെക്രട്ടറി ദിനേശന്‍ മൂലക്കണ്ടം, വിനു മൂലക്കണ്ടം, ഉമേശന്‍ കാട്ടുകുളങ്ങര, സുരേന്ദ്രന്‍ സംസാരിച്ചു.