കൊച്ചി: ശബരിമലയില്‍ പ്രശ്‌നങ്ങളൊന്നും നിലനില്‍ക്കുന്നില്ലെന്ന് ഹൈക്കോടതി. സമാധാനപരമായ അന്തരീക്ഷമാണ് നിലനില്‍ക്കുന്നത്. ആര്‍ക്കുംപോയി ദര്‍ശനം നടത്താവുന്ന സാഹചര്യമാണെന്നും ഹൈക്കോടതി പറഞ്ഞു.

ശബരിമല ദര്‍ശനത്തിന് പോകുന്നത് തടഞ്ഞെന്ന് ഹരജി ഹൈക്കോടതി തീര്‍പ്പാക്കി. ചാലക്കുടി സ്വദേശികള്‍ നല്‍കിയ ഹരജിയാണ് തീര്‍പ്പാക്കിയത്.

നവംബര്‍ 29ന് പമ്പയില്‍ വെച്ച് പൊലിസ് തടഞ്ഞെന്നാണ് ഹരജിയില്‍ ആരോപിച്ചത്. മൂന്നുപേര്‍ക്കും എപ്പോള്‍ വേണമെങ്കിലും ശബരിമലയില്‍ പോകാം എന്ന് സര്‍ക്കാര്‍ കോടതിയെ അറിയിച്ചു.