ചേലേമ്പ്ര: ചേലേമ്പ്ര പാറയിലങ്ങാടി കുറവങ്ങോത്ത് മഹല്ലില്‍ താമസിച്ചിരുന്ന പി അബൂബക്കര്‍ മാസ്റ്ററെന്ന നാട്ടുകാരുടെ ബിച്ചുട്ടി മാസ്റ്റര്‍ കഴിഞ്ഞദിവസം വിടവാങ്ങിയപ്പോള്‍ ചേലേമ്പ്രക്ക് നഷ്മായത് മികച്ച സംഘാടകനെ. നാല്‍പത് വര്‍ഷത്തോളം കുറുവങ്ങോത്ത് മഹല്ലിന്റെ ഉല്‍ഫത്തുല്‍ ഇസ്‌ലാം കമ്മിറ്റിയുടെ മുഖ്യകാര്യദര്‍ശിയായിരുന്നു അദ്ദേഹം.

സംഘാടക പരിചയസമ്പത്ത് കൊണ്ട് ചേലേമ്പ്രയിലെ സംഘാടകരുടെ സംഘാടകനെ കൂടിയാണ് ബിച്ചുട്ടി മാസ്്റ്ററുടെ വിയോഗത്തിലൂടെ നഷ്ടമായത്. 2008, 09 ല്‍ അനാരോഗ്യത്തെതുടര്‍ന്നാണ് സെക്രട്ടറി പദം ഒഴിയുന്നത്.
മുസ്‌ലിം ലീഗിന്റെ നാട്ടിലെ മുന്‍നിര പ്രവര്‍ത്തകനായിരുന്നു. മരണവിവരമറിഞ്ഞ് അദ്ദേഹത്തിന്റെ വീട്ടില്‍ നിരവധി രാഷ്ട്രീയസാംസ്‌കാരിക പ്രവത്തകര്‍ എത്തിയിരുന്നു.