വടകര: ഡിസംബര്‍ 12 മുതല്‍ 15 വരെ ഡല്‍ഹിയില്‍ നടക്കുന്ന ഹ്യൂമന്‍ റിസോഴ്‌സ് ഡെവലപ്‌മെന്റ് മന്ത്രായലത്തിന്റെ കലാ ഉത്സവ് പരിപാടിയില്‍ കേരളത്തെ പ്രതിനിധീകരിച്ച് കഥകളി സംഗീതത്തില്‍ ഗൗതം കൃഷ്ണ പങ്കെടുക്കും.
മേമുണ്ട ഹയര്‍ സെക്കന്‍ഡറി സ്‌കൂളിലെ പ്ലസ്‌വണ്‍ വിദ്യാര്‍ഥിയാണ്. സംസ്ഥാന കലോത്സവത്തില്‍ കഥകളി സംഗീതം, ദേശഭക്തിഗാനം എന്നീ ഇനങ്ങളില്‍ എ ഗ്രേഡ് നേടിയ ഗൗതം കൃഷ്ണ കലാനിലയം ഹരിയുടെ ശിഷ്യനാണ്.
ഭാരതത്തിലെ എല്ലാ സംസ്ഥാനങ്ങളിലെയും ഒന്‍പതു മുതല്‍ പ്ലസ്ടു വരെയുള്ള തിരഞ്ഞെടുത്ത വിദ്യാര്‍ഥികളെയാണ് ഈ പരിപാടിയില്‍ പങ്കെടുപ്പിക്കുന്നത്. കേരളത്തില്‍ എസ്.എസ്.എ ആണ് ഈ പരിപാടിയുടെ സംഘാടകര്‍.