കോഴിക്കോട്: ഇന്ത്യയുടെ ആത്മാവിനെ ചോദ്യം ചെയ്യുന്ന അധികാരികള്‍ക്കെതിരെ ഇന്ത്യയിലെ ക്യാംപസുകള്‍ പ്രക്ഷുബ്ധമാവുന്നത് പ്രതീക്ഷയുളവാക്കുന്നതാണെന്ന് എം.പി അബ്ദുസ്സമദ് സമദാനി.
എം. എസ്.എഫ് സംസ്ഥാന സമ്മേളനത്തോടനുബന്ധിച്ച് മുഖദ്ദിമ എന്ന പേരില്‍ ഗവേഷക വിദ്യാര്‍ഥി കൂട്ടായ്മ നടത്തിയ 'മുസ്‌ലിം രാഷ്ട്രീയം കേരളത്തില്‍' സെമിനാര്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
യൂത്ത് ലീഗ് സംസ്ഥാന ജനറല്‍ സെക്രട്ടറി അഡ്വ. പി.കെ ഫിറോസ് മുഖ്യ പ്രഭാഷണം നടത്തി. എം.എസ്.എഫ് സംസ്ഥാന പ്രസിഡന്റ് മിസ്ഹബ് കീഴരിയൂര്‍ അധ്യക്ഷനായി. സംസ്ഥാന ജനറല്‍ സെക്രട്ടറി എം.പി നവാസ് സ്വാഗതവും യൂസുഫ് വല്ലാഞ്ചിറ നന്ദിയും പറഞ്ഞു.