പടിഞ്ഞാറങ്ങാടി: പട്ടിത്തറ പഞ്ചായത്തിന്ന് മുമ്പില്‍ പടിഞ്ഞാറങ്ങാടി- തൃത്താല പാതയോരത്ത് രഹ്‌ന ഹോം ആന്‍ഡ് ഡവലപ്പേഴ്‌സ് കെട്ടിട നിര്‍മാണ വ്യവസായി സക്കീര്‍ ഹുസൈന് ഐക്യദാര്‍ഢ്യവുമായി പ്രദേശവാസികള്‍ രംഗത്ത് വന്നു.
ഇതിന്റെ ഭാഗമായി കക്ഷിരാഷ്ട്രീയത്തിന്നഥീതമായി ഇന്ന് കാലത്ത് പത്ത് മണിക്ക് പ്രദേശവാസികള്‍ പ്രസ്തുത പ്രൊജക്ട് നടക്കുന്ന സ്ഥലത്ത് ഒരുമിച്ച് കൂടി ഐക്യദാര്‍ഢ്യമറിയിക്കും.
പ്രദേശത്തുകാര്‍ക്കും, മറ്റും നിരവധി തൊഴില്‍ സാധ്യതകളുള്ള ഒരു പ്രൊജക്ടാണ് ഇതെന്നും ഇതിവിടെ വരല്‍ അനിവാര്യമാണെന്നുമാണ് നാട്ടുകാരുടെ ആവശ്യം.
'പൈസ വേണ്ട പദ്ധതി മതി' എന്ന് മുദ്രാവാക്യം ഉയര്‍ത്തിയാണ് നാട്ടുകാര്‍ ഐക്യദാര്‍ഢ്യം പ്രഖ്യാപിച്ചിരിക്കുന്നത്.
വികസനത്തെ എതിര്‍ക്കുന്നവരെ എന്ത് വില കൊടുത്തും നേരിടുമെന്നും ഇവര്‍ പറയുന്നു.