കൊച്ചി: കേരള ബ്ലാസ്റ്റേഴ്‌സ് താരങ്ങളെ പരുക്ക് വേട്ടയാടുന്നത് തുടരുന്നു.
മധ്യനിര താരം സിഡോഞ്ചക്കാണ് ഇപ്പോള്‍ പരുക്കേറ്റിരിക്കുന്നത്.
ജംഷദ്പൂരിനെതിരായ മത്സരത്തില്‍ ര@ണ്ടാം പകുതിയുടെ തുടക്കത്തില്‍ ആണ് സിഡോഞ്ചയ്ക്ക് പരുക്കേറ്റത്.
സീസണില്‍ ഇതുവരെ കേരള ബ്ലാസ്റ്റേഴ്‌സിന്റെ എല്ലാ മത്സരങ്ങളിലും കളിച്ച താരമായിരുന്നു സിഡോഞ്ച. ഇന്നലെ മരിയോ ആര്‍ക്കസ് തിരിച്ചെത്തിയതിന്റെ ആശ്വാസത്തില്‍ നില്‍ക്കുകയായിരുന്ന കേരള ബ്ലാസ്റ്റേഴ്‌സിന് സിഡോഞ്ചയുടെ പരുക്ക് പുതിയ തലവേദനയാകും.
സിഡോഞ്ച അടുത്ത മത്സരത്തില്‍ കളിക്കുമെന്ന് ഉറപ്പില്ല എന്ന് മത്സരശേഷം ഷറ്റോരി പറഞ്ഞു.
എന്നാല്‍ ഒഗ്‌ബെചെ അടുത്ത മത്സരത്തില്‍ കളിക്കുമെന്നും ഷറ്റോരി കൂട്ടിച്ചേര്‍ത്തു.