അങ്കമാലി: യാക്കോബായ, ഓര്‍ത്തഡോക്‌സ് സഭാ തര്‍ക്കത്തിന് ശാശ്വതപരിഹാരം അനുരഞ്ജനമാണെന്ന് അന്ത്യോക്യ വിശ്വാസ സംരക്ഷണ സമിതിയുടെ പ്രസിഡന്റ് ഡോ. ഏലിയാസ് മാര്‍ അത്താനാസിയോസ് മെത്രാപ്പോലിത്ത.
ഇതിനായി വ്യവഹാര നടപടികള്‍ നിര്‍ത്തിവച്ച് പരസ്പരം സംസാരിക്കാന്‍ ഇരുസഭകളുടെയും നേതൃത്വം തയാറാകണമെന്നും അദ്ദേഹം നിര്‍ദേശിച്ചു. പീച്ചാനിക്കാട് മൗണ്ട് താബോര്‍ സെന്റ് ജോര്‍ജ് പള്ളിയില്‍ നടന്ന ഏകദിന പ്രാര്‍ഥനായജ്ഞവും വിശ്വാസ പ്രഖ്യാപന സമ്മേളനവും ഉദ്ഘാടനം ചെയ്യുകയായിരുന്നു മെത്രാപ്പോലിത്ത. യോഗത്തില്‍ ഇടവക വികാരി ഫാദര്‍ എല്‍ദോ ചെറിയാന്‍ അധ്യക്ഷനായിരുന്നു. സി.വൈ വര്‍ഗീസ് വിശ്വാസ പ്രഖ്യാപന പ്രതിജ്ഞ ചൊല്ലിക്കൊടുത്തു.